1910-мĕш çулта мартăн 8-мĕшĕнче Пĕтĕм тĕнчери хĕрарăмсен куне уявлама йышăннă. 1965-мĕш çултан пуçласа мартăн 8-мĕшĕче ĕççыннисем пурте канаççĕ.Çаплатуни хĕрарăмсем çĕнĕ пурнăç тăвассишĕн ырми-канми вăй хунине, Тăван çершывăн аслă вăрçинче паттăрлăхпа хăюлăх кăтартнине, фронтра та, тылра та арçынсемпе тан пулса çапăçнине тата ĕçленине, халăхсен туслăхĕшĕн, тăнăç пурнăçшăн хытă тăрăшнине пысăка хурса хакланине пĕлтерет.

Хĕрарăмсем паянхи кун хăйсен ĕçри пысăк ăсталăхне тата яваплăхне шанчăклăн çирĕплетсе тĕрлĕ сферăра çитĕнÿсем тăваççĕ. Тăван çĕршывра, республикăра тĕрлĕ енчен палăрнă хĕрарăмсене халалласа пуçламăш класра вĕренекенсем класс ертÿçисем Кальметова Н.Н., Петрова О.П. ертсе пынипе «Тĕлентермĕш уй» шоу-конкурс ирттерчĕç. Конкурса ашшĕ-амăшĕсем, асламăшĕсем, хăнасем йышлăн пуçтарăнчĕç. Ачасем вăййа туллии кăмăлпа интересленсе хутшăнчĕç.Чи хастарри те пултарулли вара 3-мĕш класра вĕренекен Павел Паймин пулчĕ. Кашни тур хыççăнах ачасене тĕрлĕрен парнесем кĕтрĕç. Конкурса ачасем хăйсем хатĕрленĕ тĕрлĕрен юрă-ташăсем, сăвăсем пуянлатрĕç. Уяв хыççăн ачасем ашшĕ-амăшĕсемпе пĕрле тутлă пылак çимĕçсемпе сăйланчĕç. Çакăн пек  конкурссем ирттерни ачасен тавракурăмне, пĕлĕвне тата та ытларах аталанма пулăшать, туслăха çирĕплетет.